الصراحه فاض بيا ومليت ... منا
فرحت ونطيت ... لما طردنا الظالم والي معاه من البيت ... ونسينا كلمة هانت
وياريت ... وغيرنا بالفعل حاجات ولايام الكبت كنت نسيت فجأه لاقيت حجات
تانيه مريبه ... هي عنا مش غريبه ... ممكن نقول لكل شيء ضريبه ... او خطه
وترتيبه ... من ناس مننا او في يد غريبه ... وحاجات ممكن تكون مصيبه ...
وفي كل الاحوال العاديه والعجيبه ... ربنا يسترها اصل احنا شعب الشهامه
والكرامه والطيبه نبتدي من الي عياني ... وخلاني مخنوق وحسرني وبكاني ...
طول عمري ليا صحاب مسيحين وبتربطنا صداقه ونفس الاماني ... منهم في الشغل
وصحاب وجيراني ... حتى واحد منهم اسمه هاني ... متربي معايا وأكلنا في نفس
الصواني ... غديته في بيتي وهو في بيته عشاني ... لما كنت مريض في المستشفى
جاني ... ولو قريبي مات اول واحد عزاني ... وانا معاه في افراحه واحزانه
وفي كل الساعات و الثواني ... ولما جه يسافر برا مصر وصلته ما هو ياما
وصلني ووداني ... واتمنى التوفيق واول واحد في المطار لما يجي حايلقاني ...
اصلي بحبه وبيحبني ومفيش فينا حد اناني ... وكنت شايف ده في كل الي حوليا
اغراب او من عمامي وخلاني ومن مده قريبه ومش بعيده ... الاقي عداوة شديده
... وفروق وكلمات عليا وعلى ناس كتير جديده ... وتوصل الاقي مصريين بيقتلوا
بعض وناس تايهه وشريده ... وناس تتمسك بالحرق والتخريب بطريقه عنيده ...
ليه وعشان ايه ما احنا عايشين على ارض واحده ولكل واحد فينا عقيده وعندنا
قوانين واعراف ... بتطبق على مسلم ومسيحي دون اختلاف ... والي منها يخاف
... الي يعمل غلط او يمشي في سكة الانحراف ... انما الناس الشريفه والنضاف
عمر ما واحد فيهم حيخاف احنا يا مسلمين ... عندنا ذمه ودين ... وبنخاف رب
العالمين ... وسيدنا محمد ( صلى الله عليه وسلم ) الامين ... قال لغير
المسلمين لكم دينكم وليا دين ... اهم شيء محدش يجي علينا او يمس الدين ...
واحنا للكلام ده فاكرين ومش ناسين ... والي بيشجعوا على الفتنه دول عايزين
... خراب مصر وتشتت المصريين ... لكن رغم انف اي حاقد لعين شعب مصر في رباط
الى يوم الدين ... اللهم احفظ ارض مصر والمصريين ... اللهم انصرنا على
القوم الظالمين ( اللهم امين ) خلونا نبص لحال بلدنا ... ونهتم بامور
حياتنا ... ما الي فينا مكفينا يا سيدنا مفيش رز في التموين ... يعني يكلوا
منين المساكين ... الحاجه بتغلى بالستين والسبعين هو احنا ناقصين ... هرب
من السجون مساجين ... للامان مفتقدين ... وكتر خير قواتنا المسلحه ليل
ونهار شغالين ... الله يعينهم اكيد تعبانين ... والظلمه مش فالحين ... غير
في النهب والسرقه وخطف بناتنا ولا مش سامعين وشايفين ... كل الي بيحبوا مصر
وخايفين عليها حاسيين ... ان في قله نيتهم طين ... كل هدفهم حكم البلاد اي
حد حيقف قصادهم او حايعطلهم حيكونوا ليه داهسين ... وناس منعرفش عنهم حاجه
من سنين لاقناهم فاجئه موجودين ... ونازلين حرق وضرب شمال ويمين ...
ودايما متسلحين بمطاوي وسكاكين ... ومش خايفين من ربنا ولا لاقيين حد يتعرض
لهم طيب مين ؟ انا كنت من اول المعارضين ... لاسلوب القمع والاكراه الي
كانو ليه متبعين ... اقصد الشرطه من غير تلوين ... لكن كلمة حق مش كلهم
وحشيين ... ودورهم في البلد دور متين ... وحايطبق عليهم زي ما حايطبق علينا
القوانين ... بس هم شغلتهم التصدي للفجرة والمندسين ... الي كل مناهم
يشوفونا مقهورين مش عايزين نشمت فينا حد ... ما الي عايزين يشمتوا كتير بجد
... واحنا بنبني النهاردة عشان نشوف الغد ... مشرق وكل الي اتبنى ما
نلاقيهوش اتهد انا مسلم مصري يا ناس ... بحب بلدي باخلاص ... وشايف الخطر
بيدق الاجراس بس احنا مصريين عندنا اصل واساس ... الي يحترم القانون
ويحترمنا نحطه فوق الراس ... والي يفكر يجي على وحدتنا او يشتتنا ينداس
اللهم قد ذكرت مصر مرات عديده في القران ... اللهم انت المستعان ... اللهم
اعنا على كل ظالم جبان وانصر المسلمين في كل مكان ... اللهم انعم علينا
بالسلام والامان اللهم انت المغيث فأغثنا يا رحمن
عدل سابقا من قبل Admin في 09/05/11, 08:23 am عدل 1 مرات